Internashonal
Djasabra na Bogota: Geriyeronan a detona un eksplosivo lagando un saldo dos morto i sinku herido
BOGOTA – Djasabra último riba karetera na un zona rural na Antioquia geriyeronan a detona un eksplosivo ku a kousa morto na 1 agente polisial, un sivil i kuater polis a keda seriamente herida.
Ta posibel ku esnan ku a kometé e krímen aki lo por ta pertenesé sea na FARC, (ELN) of paramilitarnan di (AGC).
E atake a tuma luga den oranan di djasabra atardi na un zona di kontrol di tráfiko ku ta konektá via di Medellín i Urabá.
E polis ku a pèrdè su bida a keda identifiká komo Sergio Orlando Vergara Atehortúa (43) i un siudadano ku su nòmber no a keda revelá.
E tres agentenan polisial ku a resultá herida a keda transportá ku urgensia pa un hospital na Medellin.