Djasabra mèrdia: Serka di 200 persona a keda evakuá di un edifisio ku a pega na kandela na Miami

MIAMI – Carlos A. Gimenez hefe di bombero na Miami Dade a konfirmá ku alrededor di 3’or di trèmerdia djasabra un edifisio ku tin apartamento i vários pakus den promé i di dos piso a pega na kandela.
Segun hefe di bombero Carlos A. Gimenez a splika ku serka di 200 persona a keda evakuá for di e edifisio ku tabatin 75 apartamento na e área di Miami Gardens. Ta trata aki di un edifisio ku a keda konstruí for di aña 1968 i ku segun Carlos A. Gimenez ta keda sospecha ku ta pa motibu di un kortosirkuito e edifisio a pega na kandela.
Outoridatnan a konfirmá tambe ku ningun hende a resultá herida durante reskate di bomberonan.