Djadumingu di Pasku di Resurekshon di Señor

Promé Lektura          : Echonan di Apòstelnan 10, 34a. 37-43

Salmo                          : Salmo 118, 1-2. 16-17. 22-23

Di dos Lektura          : Kolose 3, 1-4

Evangelio                   : Huan 21, 1-9

Tin personanan ku ta bisa ku nan ta kreyente pero ta hasi afirmashonnan kontrario: “Di e otro bida ningun hende a bini bèk…” “Mi no a mira ningun hende ku a resusitá…” Tras di e palabranan aki tin un realidat bon definí: nan no ta kere den Resurekshon di Hesus, nan no ta akseptá e otro bida.

Kisas tin saserdote ku no ta prediká hopi tokante resurekshon di Hesus. Por ta ku nos ta hasi esfuerso pasobra hendenan konosé Señor, su bida, su milagernan, su promesanan, su eksigensianan moral, pero despues nos no ta bai na lo elemental, na lo fundamental di nos  fe.

Pasku ta pa nos e fundamentu di nos fe, di nos speransa i di e motivashon supremo di hinter bida moral di e kristian. Ser kristian ta biba realmente i den profundidat, e realidat maravioso di e Misterio Paskual di Kristu.

Kon papia awe na nos mundu di resurekshon di Señor?