Disputa entre pareha a kaba ku 3 hende morto na Daytona Beach

DAYTONA BEACH – Joe Mahoney hefe di kuerpo polisial na Daytona Beach a konfirmá ku ayera sentral
di polis a risibí un yamada kaminda un hòmber a kana drenta un espasio na Edgwater kaminda un grupo di persona a reuní pa atendé ku nan problemanan di adikshon.
E hòmber identifiká komo Quinten Hunter (49) a bai buska su eks frei Erica Hoffman (33) ku tabata huntu ku su pareha aktual Ian Greenfield (59) na e reunion.
Dilanti tur e hendenan ku tabata den e sala di reunion Quinten Hunter a tira Ian Hoffman mata i sekuestrá Erica Hoffman bai kuné.
Na momentu ku polis a yega na e luga di krímen a purba na konvensé Quinten Hunter pa laga Erica Hoffman bai.
Quinten Hunter no a tende di polis i a mata Erica Hoffman pa despues e kometé suisidio.
Joe Mahoneya splika ku Daytona Beach a bira un luga kaminda polis mester atendé diariamente ku problemanan doméstiko.
Lokual ku ta di lamentá den e kaso aki ta ku Erica Hoffman a bai laga tres yu atras i tabata buskando manera pa drecha su bida.