Dirigentenan di: Fransia, Alemania, Italia i Rumania ta bai apoyá kandidatura inmediato di Ukrania den Union Europeo

KIEV – Ayera dirigentenan di e prinsipal potensianan di Union Europeo a konfirmá ku nan ta respaldá Ukrania komo kandidato pa bira parti di Union Europeo.
Via trein Emmanuel Macron (Fransia), Olaf Scholz (Alemania), Klaus Iohannis (Rumania) i Mario Draghi (Italia) a biaha pa Kiev pa respaldá Volodimir Zelenski presidente di Ukrania.
E strategia pa aseptá Ukrania den Union Europeo ta pa manera e pais aki bira miembro laga OTAN i Merka kuminsá instalá basenan militar di inmediato.
Unabes ku tin basenan militar di Merka i OTAN na Ukrania Rusia lo tin hala atras di su atakenan.
Vladimir Putin lo tin ku bai pensa bon si elo sigi ku su invashon of kuminsá un gera kontra tur e paisnan aki.
Den e kaso un total di 27 miembro di Union Europeo lo tin ku aseptá Ukrania komo kandidato ofisial den e Kumbre na Madrid ku lo keda selebrá entre 23 i 24 di yüni próksimo.