Internashonal
Direktor di World Health Organization ta teme ku tin un brote di ebola na Congo
KINSHASA – Tedros Adhanom Ghebreyesus direktor di World Health Organization a konfirmá ayera durante un rueda di prensa na Suisa ku ela kaba di risibí informashon di su koleganan ku posiblemente tin un brote di ebola na Congo.
Segun datonan di laboratorio ku Tedros Adhanom Ghebreyesus a haña ta indika ku e brote di Ebola lo por ta na e provinsia di Nort Kivu.
Den e kaso aki lokual ku World Health Organization lo bai hasi ta pa kuminsá atendé ku e situashon aki pa evitá ku esaki lo por plama tantu na Congo mes komo otro paisnan den bisindario.
E último brote di ebola a keda registrá na 2021 na Guinea i Repúblika Demokrátiko di Congo.
Durante un periodo di dos aña 2014/2016 sentenáres di hende a keda kontagia i un total di 11 mil hende a pèrdè nan bida.
E virus di Ebola ta un enfermedat grave pa serhumano ku por kousa morto garantisá si no atendé na tempu.