Direktor di World Health Organization ta bastante preokupá pa e situashon di Covid-19 na China

GENEVE – Tedros Adhanom Ghebreyesus direktor general di World Health Organization a konfirmá ku e ta bastante preokupá ku e situashon di kontagio ku tin na China.
E problema ta segun Tedros Adhanom Ghebreyesus ku China ta un pais ku no ta duna World Health Organization ningun informashon di lokual ta pasando.
Informashon ku World Health Organization mes a bai buska ta ku tin vários suidat grandi na China entre otro Pekin, Beijing, Shangai, Chongqing, Huwan i Chengzen ku a keda parsialmente sera debí ku kasonan di kontagio ta haltu. Esaki posiblemente ta nifiká ku tin un Brote di Covid-19 i ku sin duda elo por plama manera tabata e kaso na 2020.
Tedros Adhanom Ghebreyesus den su rueda di prensa a bisa ku World Health Organization ta sigi monitorea e situashon na China hopi di aserka.