Internashonal
Direktor di World Health Organization a alerta ku kasonan di Monkey Pox a oumentá ku 77 %
GENEVE – Tedros Adhanom Ghebreyesus direktor di World Health Organization a konfirmá ayera ku kasonan di MonkeyPox ta oumentando drástikamente pa siman.
Último sifranan ku World Health Organization a risibí ta ku pa siman kasonan di Monkeypox ta oumentando ku 77 porshento.
Tin informashon ku entre 59 pais na nivel global un total di 6.027 kaso di MonkeyPox a keda registrá.
Tedros Adhanom Ghebreyesus a splika ku den e último 9 dianan ku a pasa un total di 17 pais mas a registrá kasonan di MonkeyPox.
Awor no solamente mester tene kuenta ku tin un oumento drástiko di kasonan di Covid-19 sino kombiná ku Monkey Pox esaki lo bira un káos total.
Datonan ku World Health Organization ta señalá ku 73% di kasonan global ta korespondé na hòmbernan entre 37 pa 60 aña ta keda kontagia ku MonkeyPox.