Lokal
Direktor di SLM a baha bai lagando e kompania den kaos
PARAMAIBO. Foi siman pasá e kompania di aviashon surinameño SLM ku ta pasando ultimo añanan den turbulensia finansiero a sufri un gòlpi semi-mortal despues ku e direktor ulandes Paul de Haan a baha bai Ulanda ku Air France via Guyana franses siendo ku e tabatin òrdu pa no bandoná e pais. Akshonista dje kompania e siman aki a nombra Steven Gonesh komo direktor interino despues ku e anterior inerino Jessurun a entregá su retiro.
Ganesh Laigsingh lo fungi komo presidente di hunta di komisario interino remplasando Xaviera Jessurun kende a tuma su retiro. Lo kibra e kontrat ku Paul de Haan lo mas pronto posibel i ya a nombra otro komisarionan.
Nan tin ku guia un transishon gradual mientras ta investigá kosnan ku no por mira lus di dia i ya Ministerio Publiko a drenta den e kaso. Ministerio Publiko tin man yen na investigashonnan na Energiebedrijven Suriname, SLM i ministerio Finansa kaminda poko bandidu di kachèt a kometé estafanan mionario.