Diputado Nina Den Heyer enkargá ku Salú Públiko a laga bakuná su yunan

Kralendijk—Diputado Nina Den Heyer enkargá ku Salú Públiko a laga bakuná su yunan. Segun Den Heyer: ami a laga mi yunan pasa e bakuna. Meskos ku tur e otro bakunanan ku nan a pasa dia nan tabta mas chikí.

Prome ku esaki nos a papia basta tokante e topiko aki den kas. Ta bèrdat ku ta un persentahe chikí di mucha so ta resultá den hòspital dor di Covid 19. Komo mama mi lo no por pordoná mi mes si mi yunan lo a kai nèt den e persentahe aki ku lo por bira fatal, kaminda ku tin un bakuna disponibel ku por a evitá esaki.
Kada mayor ku yu tin ku skohe pa su mes. Esaki tabata NOS eskoho. Laga nos respetá otro su eskoho i ban sigui kwida huntu!