Diósesis ta prohibí madrina i padrino di boutismo i konfirmashon

Churchpop
Arkidiósesis di Catania, na Sicilia (Italia), a disidí na suspendé pa tres aña e práktika pa elegí madrina i padrino di boutismo i konfirmashon.
Arsobispu Salvatore Gristina a bisa ku el a disidí na suspendé temporalmente nombramentu di madrina i padrino pasobra e tradishon a kambia den un “kustumber sosial den kua e dimenshon i fe apénas ta visibel”.
Na mesun tempu el a señalá ku “e situashon familiar kompleho iregular di tantu persona proponé pa hasi e tarea akí ta hasi e situashon ainda mas delikado”.

“E tradishon sentenario di Iglesia ta bisa ku e padrino òf madrina ta kompañá e persona ku ta ser batisá òf konfirmá, p’asina ku e por yud’é riba e kaminda di fe”, Gristina a skirbi den e dekreto emití “ad experimentum i ad trienio”.
Ademas el a splika ku, mas importante ku e presensia di madrina i padrino den e propio boutismo, ta ku nan ta kumpli ku nan “berdadero funshon eklesial”.

Di akuerdo ku Buki IV di e Kódigo di Derecho Kanóniko di Iglesia Katóliko , un padrino òf madrina mester ta un katóliko “ku ta hiba un bida di fe di akuerdo ku e funshon ku e ta bai asumí”.
E papel di e padrino i madrina ta yuda “esun ku ta ser batisá na hiba un bida kristian di akuerdo ku e boutismo i pa kumpli fielmente ku e obligashonnan inherente na esaki”.
Lei no ta stipulá ku padrino i madrina ta rekerí pa e sakramento, únikamente “segun ta posibel, e persona ku ta bai ser batisá mester risibí un padrino i madrina”.

Mons. Salvatore Gristina, vikario general di Catania, a ekspresá su speransa den un entrevista ku e revista italiano Famiglia Cristiana di kua e suspenshon temporal di tres aña di padrino i madrina di boutismo lo ta un okashon di renobashon den kua katólikonan ta yega na komprendé mihó espektativanan di Iglesia tokante nan ròl.
“Laga nos spera ku kosnan ta kambia, i esun ku tin intenshon di bira padrino òf madrina realmente ta hasié pasobra e e tin e intenshon di ta testigu di un kaminda fe”, Gristina a bisa.
Kiko abo ta pensa?