Digicel a pone man na obra durante CuraDoet 2022

WILLEMSTAD: Djasabra último, dia 21 di Mei un grupo di empleado i ‘influencer’ di Digicel a partisipá na e di 9 edishon di CuraDoet. Un bes mas e tim di Digicel a pone man na obra den e akshon boluntario mas grandi den nos region.
Dunando kontenido real na e lema di Digicel, Huntu Mas Mihó, e biaha aki a duna un aporte na Art Foundation Curaao. Diony Eduarda Marketing Executive pa Digicel Kòrsou ta komenta ku Digicel ta tuma su responsabilidat sosial korporativo masha na serio. “Nos ta pone akshon tras di palabra i na un okashon manera CuraDoet, nos ta lora manga di kamisa i pone man na obra!”
E tim tabata hopi animá i a fèrf diferente espasio paden i pafó na Art Foundation. Ademas di yuda komunidat, kada edishon di CuraDoet ta sirbi komo un ‘team building’. Digicel ta gradisí CuraDoet pa e oportunidat i alabes ta felisitá e organisashon ku un otro eksitoso edishon di Curadoet!” Riba imágennan athunto un impreshon di e tim di Digicel den akshon durante CuraDoet 2022.