Internashonal
Diego Bertie konosido aktor i kantante Peruano a fayesé
LIMA – Diego Bertie (54) konosido aktor i kantante ídolo di esenario Peruano den dékadanan 90 a fayesé.
Segun informashon ku a keda divulgá den medionan di komunikashon na Peru ta ku Diego Bertie a kai for di su balkon di su apartamento.
Diego Bertie a keda transportá ku urgensia pa hospital i na su yegada parse a keda konstatá ku ela fayesé.
Parse ku e aktor tabata biba na piso number 14 i ku outoridatnan tin ku bai investigá si ta trata aki di un kaso di aksidente, homisidio of suisidio.
Diego Bertie a yega di partisipá den vários telenovela i pelíkula na Peru, Venezuela, Colombia, Argentina i Miami.
Den un entrevista Diego Bertie a konfesá ku e tabatin un romanse ku e periodista i eskritor Jaime Bayly.
Despues di e menshoná esaki aparentemente su popularidat a kai i e no tabata haña trabou komo aktor.