Díaz-Canel a reuní ku un delegashon di Kongresista merikano na Habana

HABANA – Miguel Díaz-Canel presidente di Cuba a risibí djasabra un delegashon di Kongresista merikano
ku a yega Habana pa reuní kuné i trata na wak kon por pone un fin na e medidanan di sanshonnan ku tin aktualmente.
Durante e reunion ku e Kongresistanan merikano tantu Miguel Díaz-Canel komo Bruno Rodríguez kansiyer Cubano a splika kon e blokeo ekonómiko ta afektando ekonomia di Cuba.
Lokual ku ta pasando na Cuba ta pone ku e hendenan ta haña nan ta bandoná e isla.
James McGovern a bisa ku e reunion a habri nan tur su bista pa keda informá ku lokual Merka ta hasiendo ku e sanshon ekonómiko ta hinka e suidadanonan Cubano den un situashon delikado pa sigi biba riba e isla.
Realmente e blokeo ekonómiko i komersial ku Merka a imponé kontra Cuba ta keda konsiderá komo un fayo kontra derechonan humano.
James McGovern tabata lider di e delegashon di Kongresistanan merikano a bisa ku nan a tende i wak sufisiente i ta bai buska manera pa wak kon ta kaba ku e situashon prekario ku tin na Cuba.