Dia di Wela- i Tawelanan

Trinti’un (31) di ougùstùs 2007, riba petishon di Fundashon Nos Grandinan, èks Gezaghèber di Kòrsou sra. mr. Lizanne Dindial i tambe èks Diputado sra. Marilyn Alcala – Wallé, na nòmber di Gobièrnu di Teritorio Insular di Kòrsou, a ofisialisá e asina yamá “Grandparents’ Day” pa pais Kòrsou. Sra. Geselle Rosaria – Coffi, den kalidat di Presidente di Fundashon Nos Grandinan a tuma e dekreto for di man di nos èks Gezaghèber i tambe èks Diputado Alcalá – Wallé. Na aña 2017, Gobièrnu di Kòrsou a ratifiká e di dos djadumingu den luna di sèptèmber komo Dia di Wela i Tawela den un dekreto nobo na Fundashon Nos Grandinan. Dia di Wela i Tawela ta nétamente den sèptèmber ku ta e “Luna pa Demostrá Apresio i Gratitut na nos Grandinan”.

Diferente pais rond mundu ta honra i demostrá atmirashon na e fundéshinan di kada famia ku ta esnan na kabes, e pilá(nan) mayó, kual tradishonalmente ta e sentro di kada famia. Dependé kuantu generashon tin den un famia, por resultá ku un famia ku ta konsistí di 4 generashon tin bisawelonan òf tumawelonan (5 generashon) i te hasta tatarawelonan (6 generashon).

Wela- i tawelanan ta ko-responsabel den edukashon i desaroyo di