Deporte
Dia 24 i 27 di sèptèmber: Kòrsou vs Indonesia…
E selekshon di futbòl di Kòrsou ku Remco Bicentini bek na kabes lo hunga 2 wega amistoso e fin di luna aki benidero na Indonesia.
E selekshon di Kòrsou lo topa ku su similar di Indonesia.
For di basta dia Indonesia a anunsiá e wega, i awor tin konfirmashon dje dos partidonan amistoso.
Naturalmente tur hende ta pendiente e promé konvokashon di e selekshon di Kòrsou dirigí atrobe pa Remco Bicentini.
Segun Five Star a komprondé nos hendenan di Kòrsou lo move den direkshon di Europa 19 o 20 di sèptèmber.
E selekshon lo keda den hotèl na Jakarta.
Den e próksimo dianan e pre/selekshon di Kòrsou lo mester ta konosí.