Di tur un poko di loke ta pasa na Boneiru

Alumnonan di siklo dos djaweps último a dispute di un dia agradabel i krioyo asina pa fortifiká now kultura i folklor.

***

Segun analista historiador Arthur Sealy den su último komunikado a skirbi ku lo bini un ola Kroon i no a dura mashá ku por mira ku aktitut di diputado Kroon ta mustra den direkshon di poder apsoluto ku ta un peliger pa demokrasia.

***

Di akuerdo ku Sealy, nos ta despuesto pa para mira

kon ta mata demokrasia.

Si ta esei ta e kaso nos no mester yora na momentu ku metodo Sint Eustatius drenta na vigor?

***

Si gobernantenan sigi asina ta kita gobernashon for di manera Knops a hasi ku Statia.

***

Algu na mi konsepto ta un redikules di marka mayó loke direktiva di UPB  a hasi dor di elogiá diputado Kroon enbes di hala su atenshon i pidié pa e renunsiá.

***

Na Boneiru tin politiko ta hasi komo sifuera nan indespensabel i ku trabou di gobernashon ta vaste dienst nan tin.

***

Bonaire konosé kaso di taksi, di BHM, ku falta tratamentu, rosamentu di tereno, ledlamp stadion pa menshoná djis eseinan i awor ta Rotònde ta e batata kayente. Pa e aktonan di no bon gobernashon e diputado a haña elogio.

***

Nada kontra Kroon komo ku e ta mi amigu i ta yuda hopi hende personal pero e la hasi muchu kos ku no ta kai bou di bon gobernashon. E la hasi nan pa bienestar di publo. Loke ta komprendibel. No ku e la enrekesé su mes. E kosnan aki ta hopi laf pa skirbi, pero mester skirbi nan.

***

Gezag ta kontentu ku danki na pueblo su koperashon i bon komportashon, ayera e por a anunsiá ku nos ta bai sigui suavisá e medidanan.

***

Nos ta pasa entrante mayan 23 di aprel di nivel di riesgo sinku pa nivel di riesgo kuater. Entrante mayan tambe lo no tin toke de keda mas i no tin prohibishon pa bebe alkohòl den lugá públiko mas.

***

E medidanan ta konta pa tres siman, pero naturalmente lo evaluá si por sigui suavisá mas trempan.

***

E kantidat di hendenan ku Covid-19 na Boneiru a baha drástikamente i ta premirá ku e kantidat lo sigui baha.  Espesialmente e sifra di persona ku ta den hospital a baha, poniendo asina ménos preshon riba kuido médiko.

***

E otro motibu pa suavisá e medidanan ta ku mas i mas hende den nos komunidat a bakuná i asina ta protehá kontra e virùs.

***

Pero pueblo mester duna su koperashon si. Keda tene e reglanan di 1.5 m, tapa boka, laba man, sino ta bolbe re introdusí nivel 6.

***

Vikario Episkopal pa Boneiru, pader Santiago Malagon Pedraza, ta invitá fielnan katóliko di Boneiru pa partisipá na un mainta di charla i di Santa Eukaristia riba dia 1 di mei 2021 Fiesta di San Hosé Obrero, ku ta keda transmití tambe for  di misa Parokia San Bernardo na Playa.

***

Ora : 10’or mainta

Medionan : Lo ta un transmishon pa tur plataforma di Voz di Bonaire i Facebook di Parokianan. Otro radio i planta di televishon tambe ta invitá pa graba of transmití.

***

Entidat Públiko Boneiru (EPB/OLB) a lansa su wèpsait nobo. Awor bo por  traha un sita online ku Registro Sivil pa un deklarashon di nasementu, un petishon pa un pasport nobo òf pa un reibeweis. Empresarionan tambe por pidi nan lisensianan via e wèpsait nobo akí. E adrès di e wèpsait ta keda meskos, www.bonairegov.com. E wèpsait ta yená ku informashon na papiamentu i hulandes.

Tambe e wèpsait ta habri riba bo tablèt i selular i e ta fásil pa usa. Habitantenan tin akseso na tur tópiko ku ta relevante pa nan bienestar.

***

PA PROMÉ BIAHA BONEIRU TA BAI KOMPETÍ DEN ‘CARIBBEAN MOTOR SPORT FESTIVAL 2021’ na Sint Maarten.

Miéntras ta prepará pa e aktividat anual ‘CARIBBEAN MOTOR SPORT FESTIVAL 2021’, djasabra último e organisashon ‘Sint Maarten Automotive Federal’ (SMAF) a organisá un seremonia relashoná ku e aktividat menshoná ku ta tuma lugá na luna di yüli.

***

Konseho pa bai bakuna.