DI TRINTIDOS DJADUMINGU SIKLO B

Promé Lektura : 1Reinan 17,

10-16 Salmo : Salmo 146, 7-10

Di dos Lektura : Hebreonan 9, 24-28

Evangelio : Marko 12, 38-44

E pasashi di e evangelio ku nos a kaba di skucha ta kontené dos parti hopi diferente, kada un riku na enseñansa. Den e promé Hesus ta atvertí nos kontra tentashon, asina humano, di buska nos propio gloria, kombertiendo nos den katibunan di banidat. Pa esaki E ta tuma komo ehèmpel e aktitut di e doktornan di lei ku ta kana ku paña largu bistí, ku ta gusta laga hende kumindá nan respetuosamente riba plenchi, nan ta loko pa okupá e puestonan di onor den snoa i pa haña lugá prinsipal ora tin komementu. E orguyo aki ta bira mas grave pa motibu di piká di ladronisia di robo i inhustisia, pasobra nan ta ranka propiedat for di biudanan i hasiendo orashonnan largu nan ta hunga papel di “santu”. Nan lo pasa pa un sentensia mashá severo. Prekupashon di tur kristian mester ta fundamentalmente kontrali na esun di e doktornan di lei aki.

E doktornan di lei ta buska nan mes, e kristian mester buska Dios. E doktornan di lei ta yen di banidat, e kristian mester distinguí su mes pa medio di humildat. E doktornan di lei ta buska e lugánan prinsipal, e kristian mester sinta na e último lugá. E doktornan di lei tabata halsa nan mes, Kristu en kambio ta bisa nos ku esun ku halsa su mes lo ser humiá i esun ku humiá su mes lo ser halsá. E doktornan di lei ta inkapas pa stima e próhimo, pasobra nan kurason ta yen di nan mes. E kristian, en kambio,