DI DIESKUATER DJADUMINGU SIKLO B

Promé Lektura : Ezekiel 2, 2-5
Salmo : Salmo 123, 1-2, 2, 3-4
Di dos Lektura : 2 Korintio 12, 7-10
Evangelio : Marko 6, 1-6

“…su hendenan no a asept’É” Ta kumpli loke Huan ta bisa den e prólogo di su evangelio: “El a bini su mes kas, ma su hendenan no a asept’É”.
Profeta Ezekiel a eksperimentá esaki, ku tabata kompartiendo ku su paisanonan e desgrasia di e deportashon, pero nan no a skuch’é loke el a bisa nan di parti di Dios. Pablo a eksperimentá esaki, ku, ademas di hopi éksito pastoral, tambe tabatin momentonan di frakaso den kua e tabatin e tentashon di bandoná su mishon apostóliko, pasobra e tabata topa únikamente ku difikultatnan i persekushonnan. Prinsipalmente Hesus a eksperimentá esaki, ku a ser aploudí den otro pueblonan i a alegrá di e fe di Yairo i di e bon muhé ku a kura di e derame di sanger, pero ora El a yega na Nazaret El a topa ku inkredulidat. Segun Lukas (Lk 4) no únikamente a hasié bashí, sino ku, despues di un atmirashon inisial, a provoká un rabia di su paisanonan i tabata na punto di ser tirá for di un baranka.
E preguntanan ku su predikashi a lanta den e nazaretanonan tabata bon formulá: ken esaki ta? Ki mishié ku tantu sabiduria asina i ku poder pa hasi milager? Por konsiderá e strañesa di su paisanonan lógiko: kon por bini di Dios un karpinté di nos pueblo, kende nos a mia krese for di mucha? Pero nan no tabata sa na pasa di e preguntanan aki na e konklushon ku tabata mas lógiko: Dios meter ta na su banda, pasobra si no, E no por a hasi loke E ta hasi. Nan a keda blòkiá den e pregunta. “Nan tabata deskonfié”. Talbes pasobra nan a sinti selo di ku den otro pueblonan, manera den Cafarnaún, E tabata hasi milagernan i den esun di djE, no. Loke El a hasi “a skandalisá nan”i nan no a kere den djE. Entre otro kosnan, pasobra El a bini komo un Mesias demasiado simpel -un obrero humilde, sin kultura, kende nan konosé for di mucha- i no komo un liberador enérgiko i poderoso manera nan tabata spera. E konklushon di Hesus ta bastante marga: “nan no tabata despresiá un profeta mas ku den su tera, entre su famianan i den su kas”. E falta di fe aki lo mester a hasi Hesus doló. E ansiano Simeón ya a prediká ku e mucha aki lo bai ta piedra di skandal i señal di kontradikshon.
Inkredulidat