DI BINTISINKU DJADUMINGU SIKLO B

Promé Lektura : Sabiduria 2, 17-20
Salmo : Salmo 54, 3-4, 5, 6-8
Di dos Lektura : Hakobo 3, 16 – 4, 3
Evangelio

E lès ku Kristu ta duna e diesdos disipelnan reuní huntu kuné ta esun di humildat i di sirbishi . Esun ku ke ta di promé, mester pone su mes t’e delaster. Esun ku ke subi, mester baha. Esun ku ke ser sirbí, mester sirbi otro. Pa konfirmá su siñansa, Hesus ta pone un mucha mei mei di nan, e ta bras’é i ta afirmá ku risibí un mucha manera esun akí den su nòmber ta risibí i sirbi E mes, ke men, e Yu di Dios.
Ta palabranan ku no por ser komprondé sino den lus di un fe profundo den bondat i mizerikòrdia di Dios. Sirbi un mucha, un pober, un enfermo, un hende bandoná di sosiedat, ta sirbi Kristu i Esun ku a mand’é. Grandesa di e disipel ta den tuma palabra di e maestro literalmente i pon’é den práktika. Klaru ta ku en general mundu, no ta komprondé esaki i ménos den nos tempu. Awendia ta pensa ku ta importante, “ser grandi”, ta ora ku tin hopi poseshon material, biba ku hopi komodidat, tin prestigio i poder. E kosnan aki ta pasa bai. Nan ta kaba. Pero Palabra di Señor no por pasa bai pasobra e ta eterno manera E.
Ora Kristu pone un mucha komo modelo i ora E ta