DI BINTINUEBE DJADUMINGU SIKLO B

Promé Lektura : Isaias 53, 10-11
Salmo : Salmo 33, 4-5, 18-20, 22
Di dos Lektura : Hebreonan 4, 14-16
Evangelio : Marko 10, 35-45

Hesus, e Sirbidó i e Saserdote entregá pa tur hende

Por bisa ku e tres lekturanan ta presentá un paralelismo atmirabel.
Isaias anunsiá un Sirbidó “maltratá dor di sufrimentu”, ku ta “entregá su bida komo sakrifisio”, òf sea, komo ofrenda “vikario” ku e ta ofresé pa tur hende, ku tabata esnan kende ku nan piká a habri un abismo entre Dios i humanidat: “mi Sirbidó lo libra hopi hende di piká pasobra E ta tuma tur nan maldat riba su lomba”.
Den e evangelio nos ta skucha mesun kos, pero awor apliká riba Hesus mes: “Pasobra e Yu di hende no a bini pa hende sirbiÉ ma pa E sirbi nan i entregá su bida pa liberashon di hopi hende”. El a demostrá esaki a lo largu di su bida i prinsipalmente riba e krus.

E karta na Hebreonan ta interpretá e entrega di Hesus for di e klave di saserdosio. El Mediador (Saserdote) ku bos tin dilanti Tata, sa kon difísil nos bida ta. El a eksperimentá trabou i kansansio, soledat i amistat, inkomprenshon i éksito, doló i morto: “El a ser poné na prueba den tur sentido presisamente manera nos”. Ta pesei E por kompadesé di nos, pasobra El aserká su mes te na e raisnan di nos ser. Ta pesei E ta un bon Pontífise (esun ku ta bira brùg) i Mediador i por yuda nos