Deporte
Di 3 pa 8 di òktober na Aruba: “Baseball In Paradise !!”… 48 Tim, Scout i Atenshon na Aruba…
Sin duda por kalifiká e idea aki komo unu genial. 5 Star a komprondé ku entre 3 pa 8 di òktober próksimo na Aruba ta bai tin un aktividat grandi di baseball na Aruba pa mucha.
Tin sigur 48 Tim di mucha ku lo partisipá na e kompetensia aki ku ta karga e nòmber di “Baseball In Paradise”.
Lo tin timnan for di: Ulanda, Bonaire, Kòrsou i naturalmente di Aruba.
5 Star a komprondé ku Kòrsou lo tin mas o ménos 7-8 representashon na e kompetensia aki.
Segun nos informante e motor tras di torneo aki ta un dirigente ku ta biba na Ulanda, i ku lo tei ku vários tim.
Lo kompetí den kategoria di U-12, U-14 i U-19.
Ta trata di Timnan formá ku tin nan dirigentenan kla pa hasi e trabou.
Un mayor ku tin yu ta partisipá a bisa nos ku su yu tin di paga 1.750 florin, esei ta inkluí sèn di ticket di avion, impuesto di salida i tambe estadia.
Tin tim ta keda na hotèl, i tin tim ta keda na kas ku nan ta hür pa e periodo di 3 pa 8 di òktober.
Tambe 5 Star a haña konfirmashon ku ta bai tin un gran kantidat di “scout” na Aruba pa e “Baseball In Paradise”.
E torneo naturalmente lo hunga riba vários torneo na e Isla di Aruba.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
