Di 18 Konferensia anual di Liderazgo femenino na Kòrsou

Willemstad – Sharon Katushabe na Uganda, Dr. Birgitte Tan na California, Merka i Nina den Heyer na Boneiru ta e tres oradónan prinsipal ku ta kuminsá e di 18 Konferensia Anual di Liderazgo Femenino na Kòrsou ku e tópiko ‘Female Leaders Leading by Example’ riba djasabra 29 di mei awor.
E di 18 Konferensia Anual di Liderazgo Femenino na Kòrsou ta importante pa e hende muhé ku ta kombinando trabou,, famia i bida en general; e studiante femenino ambisioso ku ke tin un karera eksitoso; empresarionan, profeshonalnan di rekurso humano; tur hende interesá pa sa balor di lidernan femenino den un organisashon.
Kada partisipante mester sali di e konferensia ku informashon di balor, enkurashá i empoderá, sabiendo ku e tambe por logra skohiendo e sosten ku e mester.
Ta un reto atrobe pa yega e di 18 konferensia ku mester bira un biaha mas unu na nivel profeshonal, ku informashon interesante i oportunidat úniko pa partisipantenan espesialmente traha riba bon relashon.
Tambe lo tin e aña aki atrobe rekonosementu di un ‘Outstanding Woman’, e muhé ehèmpel di den Karibe, ku ta mas bieu ku 60 aña i kende durante di su karera a hasi algu ku ta benefisiá hende muhé.
I pa di dos aña lo tin tambe presentashon di e Margaret Star, e rekonosementu pa kontinuá na motivá un hóben ambisioso.
Siguiendo resolushon di e konferensianan tras di lomba lo duna atenshon durante di e di 18 konferensia aki na loke ta hasi hende muhé fuerte i eksitoso.
Aktualmente ta trahando riba wèpsait di e konferensia pero pa mas informashon bishitá riba facebook: About Female Leadership.
Pa registrashon i mas informashon por tuma kontakto na aboutfemaleleadership@ gmail.com òf via app 5612818.