Detenshon relashoná ku ladronisia

WILLEMSTAD – Enkonekshon ku un investigashon den un kaso di ladronisia ku a tuma lugá dia 15 di yüli 2021, polis a realisá un detenshon.
Djaweps 15 di sèptèmber 2022 alrededor di 11.20’or, tim di reshèshi a hasi un entrada hudisial na un adres na Dr. M.L. King Boulevard i a detené e hòmber sospechoso M.A.L., nase na Kòrsou di 23 aña di edat.
Na e adres ariba menshoná a konfiská diferente artíkulo ku ta prosedente di ladronisia pa e investigashon.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.