Detenshon di militar prolonga pa maltrato severo

WILLEMSTAD. Djabièrne último, e wes komisario a pone e militar ku a keda detené djadumingu dia 18 di òktober, den kustodia pa 14 dia. E echonan pa motibu ku e sospechoso a keda poné den kustodia ta intento di homisidio i maltrato. E investigashon penal ku ta wòrdu ehekutá dor di Mareshosé bou di direkshon di Ministerio Públiko, ta andando. A haña e viktima tambe ta un militar ku diferente leshon na un kompleho di apartamento pegá ku e pisina komun den marduga di djasabra pa djadumingu 18 di òktober último.