Despues ku tres wes a duna veredikto: Minister Britániko a firma òrdu pa Ekstraditashon pa Julian Assange

LONDRES – Awe den oranan di mainta tres wes di Westminster i di Korte Superior a ordená gobiernu di Inglatera pa entrega Julian Assange na hustisia merikano.
Priti Patel minister enkargá ku relashonnan interior na Inglatera ta esun ku tin ku firma órden pa ekstraditá Julian Assange fundador di WikiLeaks pa asina por keda entrega na gobiernu merikano.
For di dia 20 di aprel último wes na Inglatera a kaba ku e kaso aki i abogadonan di Julian Assange a apelá i bai Korte Superior.
Den e kaso aki a dura dos luna ku awe tres wes di Korte Superior a duna minister Priti Patel lus bèrdè pa ekstraditá Julian Assange pa Merka.
Lokual ku a keda awor ta ku abogadonan ku ta representá Julian Assange tin 48 ora pa apelá e kaso aki na Europeo pa derechonan Humano. Konsiderando ku si Julian Assange keda kondena na Merka elo pasa restu di su bida tras di trali.