Despues ku Orkan Ian a kaba di plama Cuba for di otro awor ta rumbo pa Florida

MIAMI – Orkan Ian a pasa ayera duars riba Cuba i a laga un desaster atras ku inundashon i bastante destrukshon.
Cuba tabata den problema kaba ku konstantemente ku koriente ta bai pero awor ku lokual orkan Ian a hasi a pone ku e isla lo bai tuma un bon ratu pa rekuperá.
Awor lokual ta bai pasa ta ku habitantenan na Key West, Sarasota, Tampa, Clearwater i St Petersburg mester prepará ya ku orka Ian ta biniendo den nan direkshon.
Ron DeSantis gobernador di Florida a ordená pa míles di habitante di Sarasota ku ta biba na kosta di Sarasota, Tampa, Clearwater i St Petersburg bandoná nan kas i bai buska un shelter pa keda aden.
Te ainda tin buelonan pa aeropuerto internashonal di Miami pero aeropuertonan di Sarasota, Tampa, St. Petersburg-Clearwater tur buelo a keda kanselá.
Ta pronostiká ku e orkan Ian lo subi tera awe den oranan di atardi i ku ta bini aden ku hopi áwaseru i bientu duru.
Mester bisa ku e (American, Delta, Southwest i United Airlines) a manda tur nan avionnan pa otro parti Florida.