Despues ku Maroko a gana Inglatera: Grupo grandi di Marokannan a festehá i vandalisá vários negoshi na Paris

PARIS – Djasabra último tabata un dia grandi pa Maroko ya ku e selekshon nashonal di futbòl a logra gana di Portugal i bai di semifinal di mundial 2022 na Qatar.
E lokual e selekshon aki a hasi a pone ku fanatikonan di Maroko ku ta biba na Paris despues di wak enkuentro kontra Portugal a sali selebrá engrandi.
Tin informashon di medionan di komunikashon na Fransia ku tabatin alrededor algun mil fanátiko di Maroko ku a subi kaya ku no solamente tabata festehá sino a kuminsá vandalisá edifisionan den sentro di Paris.
Didier Lallement direktor di kuerpo polisial na Paris a konfirmá ku mester a desplegá alrededor di 10 mil polis pa atendé ku seguridat ya ku e Marokannan tabata bastante violento den nan aktividatnan festivo.
Na momento ku e fanatikonan tabata dirigiendo rumbo pa e sektor Campos Elíseos na París a detené un total di 42 Marokannan.