Despues dje di 36 titulo di Ajax i di dos konsekutivo pa Jurrien ku e Organisashon: Famia Timber Hopi Kontentu…

Famia Timber a selebrá e titulo di kampeon di e tim di Ajax engrande ayera. Ajax a golia e tim di Heerenveen ku skor di 5-0 pa asina pone man riba nan di 36 titulo di kampeon di divishon di honor.
Pa Jurrien ku ta un dje pilarnan den defensa di Ajax ta su di dos titulo ku e organisashon.
Jurrien a kuminsá na edat di 4 aña den e organisashon di Utrecht.
Ku 6 aña di edat e tim di Feyenoord a interesá den dje, pero na 2014 e organisashon di Ajax a firma tantu Jurrien komo Quinten.
Ajax a mara ambos talento YDK ku 12 aña komo posibel remplaso pa nan estreanan den futuro.
Jurrien a Sali e mihó hungadó mas hóben dje organisashon di Amsterdam. Tin rumor ku e DT di Ajax Erik Ten Hag lo ke bai ku Jurrien premier league ora e asumí e posishon di DT di Manchester United.