Despues di keda liberá: Trafikante di arma Viktor Bout a demostrá su loyalidat na Putin

MOSKU – Siman pasa Viktor Bout trafikante di arma mas grandi riba e planeta aki ku tabata sinta un kondena di 25 aña di kastigu di prizon a bai den un interkambio pa e basketbolista Brittney Griner.
E interkambio di Viktor Bout pa Brittney Griner
a tuma luga na e aeropuerto di Abu Dhabi kaminda agentenan Ruso i merikano a topa otro riba pista di aterisahe.
No tin ningun duda ku Viktor Bout mester mustra su gratitut i loyalidat na presidente Vladimir Putin ku tabata e úniko persona ku por a yud’é yega na libertat.

Ta p’esei Viktor Bout a sali duna su apoyo total na presidente Vladimir Putin ku e ta di akuerdo ku e invashon di Rusia riba Ukrania.
Manera por komprondé ku Viktor Bout no tabatin potrèt di su famia den su sel sino di su mentor i konfidente presidente Vladimir Putin.
Viktor Bout ta para firme tras di tur desishon ku Vladimir Putin tuma i esaki a keda konfirmá ayera tambe den un entrevista eksklusivo ku ela duna na un kanal di notisia na Mosku.