Despues di basta tempo sin morto Awor Covid a registra un morto mas, y tin mas turista activo cu Covid19 compara cu residente aworaki

ORANJESTAD-Despues di basta tempo, Aruba a registra un morto mas a causa di Covid19.  T’asina cu durante e siman di 9 pa 15 di juli ta indica cu 41 caso positivo nobo a keda registra di cual 22 ta residente y 19 ta turista.

Mester bisa tambe cu manera cu  a keda raporta, diabierne ultimo a raporta 13 caso positive nobo.

Te cu diabierne 16 di juli, Aruba tin un total di 60 caso activo di cual 29 ta residente y 31 ta turista.

E average di casonan positivo pa dia siman pasa tabata 4 y pa fin di siman el a subi di 4 pa 6 caso pa dia, y diasabra e tabata 13. Siman pasa tabatin un averahe di ‘positivity rate’ diario di 6% y siman pasa el a aumenta na 7% diario.

MORTO

Casonan di fayecimento relaciona cu Covid a yega na 108 cu fayecimento di 1 residente mas, condolencia y forsa  na famia di e fayecido.

HOSPITAL

Hospital ta informa cu actualmente tin interna riba piso general di Covid 4 persona y den ICU tin 3 persona.