Despues di 3 aña: Gobiernu merikano a manda embahadora nobo Ukrania

KIEV – Den tur e turbulensia di gera ku tin entre Rusia i Ukrania gobiernu merikano a disidí na manda un embahadora Kiev.
Ta despues di kasi tres aña ku Merka no tabatin un embahadora na Ukrania presidente Joe Biden a disidí ku a yega momentu pa tin un representante merikano na Kiev. E diplomatiko ku a keda manda Kiev pa representá Merka ta Bridget Brink ku porsierto a yega Ukrania kaba for di ayera tardi. E último diplomatiko ku tabata representá Merka na Ukrania tabata Marie Yovanovitch durante periodo
di atministrashon di Biden.
Presidente Joe Biden a nominá Bridget Brink komo embahador di Merka na Kiev for di luna di aprel.
Bridget Brink ta un alto funshonario ku a forma karera ku a pasa gran parti di su bida komo diplomatiko na diferente pais den Union Europeo.
Komo Merka ta bai yuda Ukrania ku $40.000 mion atministrashon di Biden mester di un embahadora na
Kiev pa por tin kontakto ku atministrashon di Biden i presidente Volodymyr Zelenskyy..