Despues di 20 aña: Nancy Pelosi a retirá komo lider di partido Demokrata

WASHINGTON – Nancy Pelosi (82) presidente di Kamara di Representantenan na Merka a anunsiá ayera ku a yega momentu ku elo retirá komo lider di Partido Demokrata.
Den un diskurso bastante emoshonal Nancy Pelosi ku tin 20 aña komo lider di Partido Demokrata a bisa ku elo mantené su asiento si elo hala atras pa un generashon nobo di polítikonan haña oportunidat. Nancy Pelosi ta bai den historia komo e úniko hende muhé ku a fungi komo presidente di Kamara di Representante.
Den e kaso aki Nancy Pelosi lo tin ku baha komo presidente di Kamara di Representantenan dia 1 di yanüari 2023 ya ku Republikanonan a gana elekshon i logra rekuperá mayoria den Kongreso.
Tin rumornan ta sirkulá ku lokual a pasa ku su kasa kaminda un hòmber a drenta den nan residensia na San Fransisco i maltratá su kasa Paul Pelosi a pone ku e dama aki lo tin pensa pa retirá pronto for di polítika.