Despues cu AVP a entrega proposicion na Parlamento A sigui cu consulta cu e.o. Sonrisa pa cu e iniciativa pa un kinder-gehandicapten uitkering

ORANJESTAD-Manera ta conoci, AVP a presenta e iniciativa pa adapta e Landbesluit Bijstandsverlening cu ayudo financiero na famianan cu un yiu bao di 16 aña cu limitacion, a dicidi di bishita e organisacion Sonrisa.

Asina a reuni cu miembronan di e organisacion Sonrisa cu a sostene e iniciativa aki pa di mayornan pa duna acohida y guia na muchanan menor di edad cu tin retonan fisico y intelectual.
Lider di fraccion di AVP, mr. Mike Eman, y Parlamentario drs. Mervin Wyatt-Ras y sr. Wendrick Cecilia a combersa cu e coordinadora sra. Anglique Perez-Kelly y dos lider, di cual un di nan ta mama di un cliente.
Conforme Censo 2010, Aruba cu tin 318 hoben cu limitacion por sali afo cu awendia nos por tin 400 hoben cu limitacion bao di 16 aña.

E suma aki por yuda e hoben y su famia pa cumpli cu tur necesidad pa garantisa manera Derechonan Humano ta indica tambe un calidad di bida digno.