Lokal
Desishonnan ta pasa nan voorbij Komishonnan di Mayor ta na soño!
WILLEMSTAD – Komishonnan di Mayor no ta sufisiente aktivo i esei ta pone ku desishonnan importante den enseñansa por kai, sin ku e komishonnan tin partisipashon òf influensia riba dje. Un dje ehèmpelnan ta oumento di skolnan na hulandes. Asina Nowels-Wieske presidente di Representashon Mayornan Uni, (Rema Uni) a bisa NOBO.
Pa basta tempu kaba, Rema Uni ta boga pa Komishonnan di Mayor ta mas alerto i perkura pa nan ta mas involvi den asuntunan ku ta regarda enseñansa. Varios despues ku a lanta Rema Uni, no tin kambio signifikativo den e situashon aki, Mirugia Nowels-Wieske ta sigi bisa NOBO.
‘’Ta di lamentá pasobra debi ku e komishonnan di Mayor no ta funshoná optimalmente, no solamente no por influensia toma di desishonnan importante di outoridatnan di enseñansa manera resien tabata e kaso ku idioma di instrukshon, pero otro topikonan tambe’’. Rema Uni tambe ta un dje instansianan ku a indika ora ku a bira konosi ku ta introdusi mas skol ku ta duna les na hulandes, ku no a informa e Komishonnan di Mayor ni tampoko e mayornan. Rema Uni, ta supone ku debi na e periodo druk di EFO i Eksamennan di Skol, ku ainda Direktiva di Skol Katoliko no a suministrá e informashon aki.
Mirugia Nowels-Wieske ta enfatisa ku si e Komishonnan di Mayor ta funshoná optimal, e informashon ku pasa pa mayornan tokante di asuntunan ku ta relashona ku nan yunan na skol, ta bai muchu mas mihó. Tin algun preokupashon ku tur aña ta surgi serka e mayornan, relashona ku entre otro desishon enkuanto eskoge di tipo di ensensansa avansá i asuntunan di unifòrm. Un Komishon di Mayor ku ta funshoná efisiente, por kontribuí ku dunamentu korekto di informashon, segun e presidente di Rema Uni.
INFORMASHON IDOMA DI INSTRUKSHON
Direktiva di Skol Katóliko ta den proseso pa duna mayornan mas informashon tokante dje desishon pa habri mas skol ku ta duna les na hulandes. Un dje resistensianan fuerte kontra dje desishon aki, ta basá riba e falta di partisipashon i informashon. Direktiva di Skol Katoliko ku ta su intenshon pa duna mas informashon.
Entretantu Royla Pierre, direktor di Direktiva d Skol Katoliko, Royla Pierre a informá NOBO ku su direktiva ta den kombersashon prome ku e kabesnan diskol. Despues di esei, ta hinka e plan di komunikashon den otro. Royla Pierre a konfirmá pa NOBO, ku e topiko a sak un tiki. ‘’Pero ainda ketu bai tin pregunta, loke ta normal’’.
Segun Royla Pierre, Direktiva di Skol Katóliko ta informa e kabesnan di skol promé, despues ta sigi e empleadonan, mayornan aktual I mayornan ku den futuro ta desea di inskribi nan yunan i tambe sobra steaksholdersnan.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na [email protected].
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Wowo di mundu ta dirigí riba Karnaval di Kòrsou
Hóbennan a midi forsa den kompetensia di estímulo organisá pa federashon di karate
Celfriedt Homoet (dfm) lo bisa: “Ban Kòrsou numa !!”…
Ainda: FFK tin di paga “Security” mas ku 30.000 FL…
