Desishon pa bende ORCA a kai tempu CPA no tabatin komisario?

WILLEMSTAD. E seri di pregunta ku un parlamentario a hasi siman pasá riba benta dje toubot ORCA a toka un punto delikado na kual e preguntanan a referi kual ta si e komisarionan a ser konsulta i a bai di akuerdo ku benta dje toubot pa 10% di su balor original.
E ta un pregunta logiko i normal pero ku por tin un rabu fèrfelu si resultá ku ta den un periodo ku CPA no tabatin ni un komisario legalmente den e posishon ei.
Dia 19 di aprel ultimo gobiernu a informa ku nan tin intenshon di nombra dos miembro den hunta di komisario di Curaçao Ports Authority N.V.E hunta mester konsisti di minimo 3 i 7 persona.
Dia SBTNO a haña e partisipashon ku gobièrnu ke nombra dos komisario a bai chèk si ta pa yena un dje vakaturanan ku tabatin den e hunta.E resulta ku tur e spesialidatnan pa kual mester nombra nombra komisario tabata vakante i pa kolmo e uniko ku tabata registrá komo komisario den funshon, Paul Helmich, su periodo komo komisario a kaduká!
Su ultimo dia den funshon mester tabata 5 di aprel ultimo.
No tabatin komisario ku ta eksperto tékniko, ni huridiko, ni finansiero, ni finansiero i hasta e eksperto komersial ku tabata alabes presidente, no tabata legalmente den funshon.
Ta bin aserka ku dia 3 di mei ainda dos komisario tabata registrá na Kamara di Komersio siendo ku nan miembresia a kaduká dia bieu.
E hecho aki ta un fayo grandi di gerensia di CPA pero e miembronan mes tambe por a hasi un tiki molèster i chèk si a registrá of raya nan nomber.
Direktor di SBTNO a pasa esun of esnan ku a manda karta postulando kandidato, no a ni ripara ku SBTNO a bai di akuerdo ku kandidatura di Medgar Isebia komo eksperto komersial