Desishon a kai ku: Jurickson no ta bai Serie Del Caribe…

Informashon ku deporte 5 Star a haña awe mainta skuchá den Deporte Hoyer serka nos amigu/kolega Calili Ruiter ta mustra ku desishon lo mester a kai ku Jurickson Profar lo no ta ku nos selekshon di baseball den Serie del Caribe.

Jurickson a train ku hopi grasia ku nos selekshon bou di guia di Hainley Statia, pero su partisipashon tabata den “aire” ya ku e ta agente liber ketu bai i ta pendiente.

Calili a bisa awe mainta ku e desishon a kai ku finalmente e estrea agente liber lo no ta huntu ku nos selekshon den Serie Den Caribe.

Ounke ta un sla, e sla ta ménos ku esun di Ceddanne Rafaela, paso for di un prinsipio e partisipashon di Jurickson Profar tabata poko na duda.