Derek Chauvin eks polis asesino di George Floyd sentensia na 21 aña di kastigu di prizon

MINNESOTA – Derek Chauvin ya a keda kondena aña pasa pa un korte estatal di Minnesota na 22 aña i 6 luna pa e asesinato di George Floyd di kual si e komportá elo por sinta solamente 15 aña.
E eks polis di Minneapolis a deklará su mes kulpabel na luna di febrüari di e aña aki i pa asina bai trata na wak si den korte Federal si su kastigu lo por baha ku algun aña.
Den e kaso aki ayera Derek Chauvin a hañ’é ta presentá dilanti wes federal Paul Magnuson ku a kritik’é i baha pisa riba dje indikando ku e ta un bèrgwensa pa kuerpo polisial na Minneapolis.
Wes Paul Magnuson a splika Derek Chauvin ku e tin asina tantu kurashi di presentá den su korte pa un redukshon di aña di kastigu di prizon.
Ta p’esei enbes di baha su kastigu a dune 21 aña i ku lo no haña ningun redukshon ni maske e komportá bon den prizon.