Departamentu di hustisia: Na Merka a revelá ku tabatin kòmplòt pa asesiná eks presidente George W. Bush

WASHINGTON – Freddy Ford bosero di departamentu di hustisia na Merka a konfirmá detenshon di un Irakí ku ta biba na Ohio ku tabata planea un komplot pa asesiná eks presidente George W. Bush.
Manera ta konosí kaba durante e periodo di gobernashon di eks presidente George W. Bush tabatin e gera den Medio Oriente kaminda Merka a invadí e pais te ku awendia tin nan base militar establesé.
Freddy Ford a splika ku un hòmber Irakí identifiká komo Shihab Ahmed Shihab Shihab a planea pa buska kuater maton for di Irak pa bin asesiná eks presidente George W. Bush.
Lokual ku Shihab Ahmed Shihab Shihab no a konta kuné ta ku Merka tin un servisio di inteligensia i ku tur informashon ku sali of drenta ta keda monitorea.
Den e kaso aki mailnan ku Shihab Ahmed Shihab Shihab a manda pa su kontaktonan na Irak a keda interseptá ku a kuminsá vigil’é hopi di aserka.
Ayera tardi agentenan di FBI huntu ku outoridatnan lokal na Columbus Ohio a logra detené Shihab Ahmed Shihab Shihab na su residensia.
Lokual ku Shihab Ahmed Shihab Shihab mester bai buska awor ta un bon abogado pa defendé pa motibu ku e krímen ku elo tabata kier a kometé ta keda konsiderá komo un atentado terorista kontra un eks presidente di Merka.