Departamento di estado merikano: Kontentu ku rekompensa di $5 mion a solushoná kaso di asesinato di fiskal di Paraguay na Colombia

WASHINGTON – Ned Price bosero di Departamento di Estado merikano a informá ayera ku nan ta kontentu ku e rekompensa di $5 mion ku a pone disponibel a solushoná e kaso di asesinato di fiskal anti-korupshon Marcelo Pecci.
Manera ta konosí ku fiskal Marcelo Pecci tabata di luna di miel ku su kasa na Cartagena, Colombia.
Tabatin un kòmplòt pa asesiná Marcelo Pecci i esaki a tuma luga un dia promé ku su honeymoon a kaba na Cartagena.
Outoridatnan na Colombia a hasi tremendo trabou di detené i despues korte di hustisia a kondena sinku persona ku tabata envolví den e kaso di asesinato ku a tuma luga dia 10 di mei di 2021.
Ned Price a splika ku den un tempu relativamente kòrtiku a logra detené un venezolano identifiká komo Wendre Still Scott Carrillo ku ta esun ku a tira Marcelo Pecci mata.
Otro kómplisenan ku tambe a keda detené ta Marisol Londoño Bedoya, Cristian Camilo Monsalve Londoño i Eiverson Adrián Arrieta Zabaleta.
Na luna di Ougùstùs di e aña aki mes tur e kriminalnan aki a keda kondena na kastigu di bida largu pa asesinato di Marcelo Pecci.