Denunsia di parlamentarionan di koalishon: “Carls Manuel ta spioná personal di Kas di Kòrsou via kámera!”

WILLEMSTAD. Di akuerdo ku e parlamentarionan Gwendell Mercelina i Sheldry Osepa, e aktual minister di Kòrsou na Ulanda, Carls Manuel, rònt Kas di Kòrsou tin kámera pa sigi paso i kombersashon dje personal.
Reportadamente pa sa ken ta drenta i sali i ken ta papia ku ken via e sistema ‘vlog’ (kámera).
Un dje kámeranan ta instalá den kamber di un dje kolaboradornan.
Di akuerdo ku relato dje ‘vlog’ ku ta plamá den prensa na Ulanda, Osepa sa di kiko e ta papia pasobra e ta abogado i tabata minister di Kòrsou na Ulanda den gabinete Schotte.
Loke a sosode ta ilegal, asina e lo a komentá.
Por sierto ku Osepa i Mercelina ta miembro di koalishon parlamentario.
Manuel lo a refutá e akusashon pero investigashon ta mustra ku personal klave a tuma nan retiro desde ku MFK a nombra Manuel Minister.