Internashonal
Den un akshon polisial: Na favela di Rio de Janeiro un total di 16 kriminal a pèrdè nan bida
RIO DE JANEIRO – Pa algun tempu kaba kriminalnan di diferente geng na e favela Complexo do Alemao a bin ta atraká, ekstorshona i mata sivilnan den e zona.
Martha Rocha hefe di polis militar na Rio de Janeiro a konfirmá ku ayera nan mester a tuma akshon kontra e kriminalnan aki.
Ta p’esei ayera a organisá un operashon pa bai ku mas ku 400 polis militar i drenta favela Complexo do Alemao i atendé ku e kriminalnan aki na serio.
E konfrontashon entre e kriminalnan i polis na e favela Complexo do Alemao a pone ku un total di 18 hende a pèrdè nan bida.
E kriminalnan tabata esnan ku a kuminsá ataka polis militar i aki naturalmente mester a bai den defensa.
Gobernador Claudio Castro a indika ku informashon ku ela haña di direktor di polis di Rio de Janeiro ta ku 16 miembro di un geng kriminal a muri, un muhé (50) i un agente polisial (38).
Lokual ku gobernador Claudio Castro ta buska ta tin pas na Rio de Janeiro i ku awor ku e kriminalnan aki no tei mas lo spera ku e pas aki lo dura.