Deporte
Den tremendo duelo di pitcher: St. Maarten a dal Sta. Maria Pirates 2-1…
• Ayera a inougurá e torneo di baseball Internashonal na St. Maarten ku e wega entre Sta. Maria i e tim kampeon di St. Maarten.
Tabata un tremendo partido ku St. Maarten ku e pitcher dominikano Santana riba montikulo tirando sumamente bon vs Jonaikel Acosta. Glenn Thomas ku ta na St. Maarten kubriendo e weganan pa Tele Curacao a bisa deporte 5 Star ku tabata un tremendo wega, un tremendo duelo di pitcher.
STA. Maria ku ta representando Kòrsou tabatin bon chèns den di shete inning ora ku Jonathan Schoop a habri ku doblete, i yega tersera, pero nos no por a remolka e kareda.
Sta. Maria a bai ariba 1-0, e tim kampeon di St. Maarten a tabla e wega i riba un bataso di Derweer nan ta bai ariba 2-1 pa finalmente gana e partido.
E weganan ta hunga 7 inning.
· Jordan Lucas ta programa pa habri e wega di awe pa e representashon di Kòrsou ku ta konta tambe ku Jonathan Schoop den nan ekipo.
· E seremonia inougural ta 7.30 pa despues Red Machine di Aruba topa ku e kampeon di St. Maarten.
Glenn Thomas na St. Maarten kubriendo e weganan Internashonal.