Den Senado merikano: Demokratanan no a logra pasa lei ku ta aprobá i sigurá e derecho di aborto

WASHINGTON – Den Senado merikano partido Demokrata no a logra pasa lei ku ta aprobá i garantisá
ku muhénan na nivel nashonal tin akseso pa hasi aborto.
E votashon tabata práktikamente algu simbóliko debí ku partido Demokrata tabata falta 60 voto pa e lei keda aprobá den Senado.
Asina mes si partido Demokrata lo a logra pasa e lei di aborto e situashon ta keda meskos debí ku ta wesnan di Korte Supremo di hustisia tin e desishon final.
Den e kaso aki wesnan di Korte Supremo di kual mayoria ta konservador ta kla pa revoká e fayo di Roe vs. Wade ku ta na vigor for di 1973.
Durante 49 aña muhénan na nivel nashonal na Merka por a bai na kualkier klínika ku ta abortá ta na nivel nashonal di e pais.
Dia 30 di yüni Korte Supremo di hustisia na Merka lo bai tuma un desishon final den e kaso kompliká aki.
Chuck Schumer lider di mayoria di Partido Demokrata den Senado a bisa ku si Korte Supremo no aseptá pa pasa e lei di aborto míles di miónes di hende muhé lo bai keda afektá.
E proyekto di lei di Protekshon di salu di muhé aprobá pa Kamara di representantenan lo a krea un Statüt federal ku ta garantisá ku e hende muhé ta haña atenshon médiko.