Den litania di pregunta pa Pisas……. Calmes a traha filèt di deklarashonnan di Promé Minister riba Pandemia

WILLEMSTAD. No ta konosí si ta e so, e ku su kolaboradónan i konsultent a traha e lista kilometriko di pregunta ku ela manda pa minister presidente Pisas ayera pero un kos mester bisa: despues di tuma nota dje lista aki, Minister presidente Pisas lo pensa no dos sino shen biaha promé ku e kore tene un konferensia di prensa pa improvisá riba un materia asina kompliká manera e Pandemia di Covid 19 i e forma ku e ta afektando nos pais.
E deklarashonnan di Pisas a aktivá e mekanismo analitiko dje politiko di oposishon Rennox Calmes di un manera ekstraordinario.
Sinku punto a hala atenshon di Calmes durante e último konferensha di prensa di Pisas:
Punto 1: e Minister a hasi menshon di diferente pais kaminda a kuminsa obligá entre otro amtenarnan pa bakuná. Entre esnan menshonan tin
1. Antigua & Barbuda den Karibe, kaminda a kuminsa obligá amtenarnan pa bakuná.
2. Merka, kaminda Presidente di Merka a bisa ku tur hende ku ke drenta Merka mester ta bakuná.
3. Gresia, kaminda ku ta obligá tur hende bakuná pa drenta establisimentunan i asta a menshoná ku Gresia ta keda djis pegá ku Hulanda.
Riba esaki Pisas a indiká ku “si nos wak bon, ta esaki ta e direkshon ku mundu ta baiendo”.

BAKUNASHON
Tambe Minister Pisas a keda ripití ku “bakunashon ta un (1) di e métodonan kontra di “COVID-19”.
Durante e mesun konferensia un periodista hulandes a hasi pregunta si si ta kuestion di tempu pa tuma mas “maatregel”, c.q. mas medida?
Of ta kuestion di “tijd”, pues tempu.