Den kaso di tèstamènt…. Kliente a pèrdè kaso integralmente kontra despacho di notario ulandes

DEN HAAG. Yu di un señora di edat ku tabata sufri di demensia i a muri na desember di 2021 a hiba un bufete di notario dilanti dje tribunal di notario i deurwaarder na Amsterdam pasobra ela duna instrukshon pa ora e mama muri, des-aktiva e kondishonnan di su tèstamènt.
Ora e ruman ku originalmente keda enkargá pa regla asuntunan dje mama i tata na Hulanda a bin Kòrsou, e ruman homber ku a keda Hulanda a demanda e bufete di notario pasobra nan no a sigi su instrukshon,
Nan lo a aktua en violashon ku e prinsipionan di independensia, imparsialidat i transparensia.
1. e notarionan no a kambia e tèstamènt ora e mama tabata na bida ainda siendo ku e tabatin demensia kaba
2. e kondishonnan a válido solamente pa e famia envolvi
3. apesar ku e notarionan tabatin indikashon ku bienestar dje tata tabata na peliger na no a anulá e tèstamènt.

KORTE A DISIDI
E tribunal ku a husga e demanda dje yu homber a rechasa tur su reklamonan pasobra ela keha tur e notarionan ku no tabata envolvi i no ta responsabel pa loke nan kolega hasi.
E yu a pidi pa posponé e kaso pa warda riba e rapòrt mediko dje mama pero e tribunal no a drenta den asuntunan mediko.
E yu homber huntu ku su ruman homber i ruman muhé pone kondishon riba ehekushon dje tèstamènt pero no tabata konsiente kiko esaki lo a nifika.
Notario a bisa ku ningun ora no a papia di kondishonnan adishonal ora anulá e tèstamènt di manera ku e kondishonnan ta keda válido.
Ela hasi e keho aki den korte di apelashon pero den apelashon no por agregá keho nobo.
Otro kos: ela pidi pa pone herensia dje tata bou di kuratela pasobra nan a maltrat’é na Veilig Thuis pero ni asina e notarionan no a des-aktivá e tèstamènt.
E tribunal a papia ku e tata mes i e otro yu i ku hendenan di Veilig Thuis i no a haña impreshon ku nan ta maltrat’é.
En korto; e tribunal a rechasá tur e demandanan dje yu ku tabata inkonforme.