Den entrevista ku Glenn Thomas: Hensley optimista den Serie Del Caribe…

E promé Big Leaguer YDK i “coach” di Grandes Ligas Hensley Meulens ta na Caracas, Venezuela ku nos selekshon komo un dirigente/delegado.
Hensley Meulens a hunga den tur liga di baseball profeshonal di region, i tabata tambe manager di e tim Venezolano Margaritha.
Meulens ta bisa den un entrevista ku Glenn Thomas di kanal-8 ku e animo den nos selekshon ta haltu, i ku e selekshon bou di guia di Hainley Statia a prepará serio i ku hopi dedikashon pa e kompromiso.
Meulens konosé e nivel di region.
E tin konfiansa ku nos selekshon lo duna bon resistensia den e torneo ku ta start mañan ora ku nos enfrentá e representashon di Cuba.