Den di dos wega di e serie: Sta. Rosa/Arcas/Ennia/Jeep A Bati Firebirds 18-8…

E tim di Sta. Rosa Indians/Arcas/Ennia/Jeep ayera den e di dos wega dje serie vs e tim di Firebirds a vapulea nan ku anotashon di 18-8. Aldair Daal a bati di 3-3 ku 3 kareda empuhá pa e tim Indjan.

Rochendrick Alexander i Randall Rog tambe a empuhá 3 kareda pa e tim Indjan.
E tim di Sta. Rosa Indians a bati no ménos ku 16 hit.

Aldair, Rudgenon Isenia i Jugen Statie kada un a bati tres den e wega di ayera.

Cristian Vilchez a gana e wega pa Sta. Rosa.

Jordan Lucas a kuminsá, e la tira 1.1 di inning, tuma 3 hit i 2 kareda.

Terence Garcia a kuminsá pa Firebirds, den 3 inning e la tuma 9 hit i 9 kareda, tur tabata limpi.

Jedion Cras a bai di 4-4 ku 2 empuhá pa e tim pèrdèdó.