Den dékada ku a pasa…. Ministerio di Salú no a tuma (sufisiente) medidanan di protekshon kontra Dengue

WILLEMSTAD. Den tempu di awaseru, tin mas tantu molèster di sangura na Kòrsou. Esei ta nifiká ku den e periodonan ei, tin un probabilidat muchu mas haltu ku e tipo di vírùs akí lo presentá. Entretantu, temporada di orkan a kuminsá i esei ta trese kuné un posibilidat di yobida. I yobida por nifiká mas lugá (foko) kaminda sangura por brui.

Pa e motibu akí, Kontraloria ta konsiderá ku ta importante pa investigá te kon leu gobièrnu a tuma e medidanan nesesario pa prevenshon i kontrol di arbovirus. Pa e investigashon akí, Kontraloria a formulá e siguiente dos preguntanan sentral:
1. Ministerio di Salubridat, Medio Ambiente & Naturalesa a sigui, sea direkta- òf indirektamente, e rekomendashonnan di Kontraloria i tuma e akshonnan di prevenshon i reakshon ku PAHO i CARPHA a rekomendá?
2. Ki efekto e medidanan tumá tabatin pa yuda garantisá ku, den futuro, lo tuma akshon na tempu den kaso ku e tipo di enfermedat akí ta menasá i ku lo atendé un posibel brote di e enfermedatnan akí, partikularmente e vírùs di Dengue?
1. Kontraloria i tuma e akshonnan di prevenshon i reO i CARPHA a rekomendá?
2. Ki efekto e medidanan tumá tabatin pa yuda garantisá ku, den futuro, lo tuma akshon na tempu den kaso ku e tipo di enfermedat akí ta menasá i ku lo atendé un posibel brote di e enfermedatnan akí, partikularmente e vírùs di Dengue?
Komo kriterio pa evaluá e medidanan, Kontraloria a usa e rekomendashonnan ku nan a hasi den informenan publiká anteriormente riba maneho di prevenshon i kombatimentu di chikungunya. Kontraloria a inventarisá e rekomendashonnan i a tene entrevista ku e funshonarionan responsabel di Ministerio di Salubridat i finalmente a evaluá si e medidanan tumá tabata sufisiente.

RESULTADONAN
E investigashon a mustra ku di dia ku e informenan di Kontraloria a keda publiká na 2016 te ku medio 2021 ta un parti sumamente limitá di e rekomendashonnan e ministerio a implementá. Ta solamente tres rekomendashon e ministerio a implementá kompletamente. Mayoria di e rekomendashonnan no a wòrdu apliká i tin algun ku no a kaba di wòrdu implementá.