Den apénas 4 luna: Kólera na Haiti a kousa morto na 496 persona

PORT AU PRINCE – Dr. Alex Larsen sekretario di MSPP (Ministerio di Salu Públiko i Poblashón) na Haiti a konfirmá ku den apénas 4 luna di tempu un total di 496 hende a muri di Kólera.
Dr. Alex Larsen a splika ku MSPP a registrá 25.182 kaso di kólera di kual 21.407 di esnan infektá a keda hospitalisá.
Un porsentahe bastante haltu di esnan ku a keda kontagia ku Kólera ta muchanan for di 1 pa 4 miéntras ku un grupo grandi di 5 pa 63 aña di edat tambe a keda kontagia.
Di e grupo aki un porsentahe haltu di esnan ku a muri di kólera ta hende hòmber.
World Health Organization a atvertí ku paisnan ku a keda afektá ku desaster klimatiko nan suidadanonan di ménos rekurso ta keda afektá ku brote di Kólera.